Tu

Erê li dora te çar dîwar hene

Lê ew sûtal in nizanin

Li her qelîştokeka dîwarekî ra

Bêhna te dikim

Li ber her çarçiwayekî

Timî dengê te tê

Li her jûreka tengûtarî da

Şevçiraya şevên me yî tu

Şopdar û peyrewê te hene

Te diçînin kolan bi kolan

Tu yî şîn dibî bistan bi bistan

Xwînava li ser her gulekê da

Xwîdana te dibînin

Çir û kanîyên me

Ji te peyaman radigihînin

Çi şevên xweş in ew

Ku te di xewna xwe da dibînin

Bere beyanî kena li ser rûyên me yî tu

Beridî bîr û bawerîya te

Diseride roj bi roj

Jê dagirtî ne dilên bi soz

Dorpêça ku li ser cîhanê ye

Ew ruh û rewana te ye

Nikarin bend jê ra deynin

Her dê biçe serî ew doz

Û di ser da jî

Ji bo ku bibehice dijmin

Em ê timûtim bibêjin

Û em ê bibêjin

Tu yî peyamberê rastîyan

Aşa yî di roja me da tu

Bêjerê bêjeyên rastgo

Tu yî taca zêrîn î

Li ser serê gelan î tu

Yên ku ji rêka te vedigerin çepel in

Yên ku dimeşin heta gipegipa dawî

Ew in efsunî ne

Timî li ser ziman in ew

Lewra gulistana me û qasidê me yî tu

Erê li dora te çar dîwar hene

Lê ew nizanin ruh û rewana te

Gerdûnîye li her derê dijî

Tim û daîm rugeha me yî

Tevgera afirîner î tim û daîm

Em in kêm hevrê û li xwe digerin

Di awir û bişirînên te da xwe dibînin

Ji ber ku jêderka hevjîyana me yî tu