Ax embazo Qetekonij

Ax embazo Qetekonij
Fotografê vewre pare kenî
Ser de zî şîîre
Çirê zerrîya mi dejnenî?
Qey nêweşîya mi nêzanî!
Vîrameyîşanê mi
Û hesretê mi nêzanî?
Mi vîrîya xezabê vewre kerdo
Vîrîya pûkî, serdo yemanî
Sûrela va û varit
Nêzana çirê la
Mi vîrîya xezeba vewre kerdo
Ne tena weşî û weşhalî
Mevaj ma beno, erê beno
Ez ê cayan, rind-xirab hes kena
Ax Qetekonij, embazo tîtal
Mi vîrîya koberzan kerdo
Wazena nê cayan ra şirî
Heta ke biresî cayêko vewrin, koyin
Mesela: Çêrmûge, Şankûş û Aldûş
Dejêko pîl wenişto zerrîya mi ser
Ge-ge vana ax û ax
De Kurdîstano: heyran, qurban
Boka ma to rew bireynî
Binê potînanê kolonyalîstan ra
Ke ez biresî
Qeçekîya xo, vîrardeyanê xo
De Kurdîstano, mi rê berey o êdî

*Qeteko: Dewêka Şankûş a.
Qamişlo / 05.02.2020