{"id":919,"date":"2025-01-05T20:42:46","date_gmt":"2025-01-05T20:42:46","guid":{"rendered":"https:\/\/azadweje1.com\/?p=919"},"modified":"2025-01-05T20:47:15","modified_gmt":"2025-01-05T20:47:15","slug":"de-ci-bibe-azade-ararati","status":"publish","type":"post","link":"https:\/\/azadweje1.com\/index.php\/2025\/01\/05\/de-ci-bibe-azade-ararati\/","title":{"rendered":"D\u00ea \u00c7i Bibe – Azad\u00ea Ararat\u00ee"},"content":{"rendered":"
\"logoy\u00ea<\/a>
Niv\u00eeskar Azad\u00ea Ararat\u00ee<\/figcaption><\/figure>\n

D\u00ea \u00c7i Bibe!<\/h1>\n

Destp\u00eak<\/h1>\n

Ji ber ku di dema daw\u00ee da ez z\u00eadetir axiv\u00eem, min gotar neniv\u00ees\u00eene. L\u00ea bel\u00ea d\u00eesa j\u00ee b\u00ea niv\u00eesandin nabe. Div\u00ea biniv\u00eesim. Wisa dizanim ku be\u015fek xwendevan heye ku ji gotaran s\u00fbd\u00ea digirin. L\u00ea ji bo xwegihandina xwendevanan asteng\u00ee hene. Li her der\u00ea niv\u00ees\u00ean min bi h\u00easan\u00ee nay\u00ean parvekirin. Hesab\u00ean medyaya civak\u00ee j\u00ee z\u00fb bi z\u00fb t\u00ean girtin. Malper li bakur\u00ea Kurdistan\u00ea \u00fb li Tirk\u00eeyey\u00ea t\u00ean astengkirin \u00fb hwd r\u00eagir\u00ee li p\u00ea\u015f\u00ee min hene. Heta em kurd navnetew\u00ee werin naskirin \u00fb em bi awayek\u00ee ferm\u00ee werin naskirin, ew rew\u015f d\u00ea wiha be. Mixabin!<\/p>\n

Rojek t\u00ea em j\u00ee cih\u00ea xwe di nava gelan da digirin. Hem\u00fb kurd d\u00ea bi kurd\u00ee perwerdey\u00ea bib\u00eenin \u00fb bi kurd\u00ee biaxivin \u00fb biniv\u00eesin. Yan\u00ee em d\u00ea normal-asay\u00ee bibin. Niha em ne asay\u00ee ne. Tlf \u00fb laptopa me d\u00ea bi ziman\u00ea kurd\u00ee bin. Kes d\u00ea nikaribe ji ber parvekirina nirx\u00ean xwe y\u00ean mad\u00ee \u00fb manew\u00ee -li ser medyaya civak\u00ee- me qedexe bike.<\/p>\n

Heta wan rojan, em d\u00ea li ber xwe bidin. Lewra xwendin, ecibandin \u00fb parvekirin karek\u00ee kurdewar \u00fb gir\u00eeng e. Ez wisa dikim. H\u00fbn j\u00ee bikin. Ji ber ku karek\u00ee ba\u015f e. Tu caran neb\u00eajin g\u00eeyay\u00ea hew\u015f\u00ea tahl e. <\/strong>Na gid\u00ee, hew\u015fa me bihu\u015fta me, gihay\u00ea me derman\u00ea dil\u00ean me ye. De dest\u00ean xwe sivik bikin.<\/p>\n

D\u00ea \u00c7i Bibe!<\/h1>\n

Li ser rew\u015fa me kurdan. Gelo, d\u00ea \u00e7i bibe. Niha di rojeva kurdan \u00fb destbirakan da ev pirs heye. Heke bersivek t\u00ear \u00fb tij\u00ee nebe, mej\u00ee, hest \u00fb p\u00eahes\u00een\u00ean mirov ser \u00fb bin dibin. Mirov r\u00eaya xwe \u015fa\u015f dike. Nema dizane \u00e7i bike.<\/p>\n

Ba\u015f e ku di van dehsal\u00ean daw\u00ee da niv\u00eeskar \u00fb l\u00eakol\u00eener\u00ean kurd derketin. Gelek pirt\u00fbk\u00ean giranbuha niv\u00eesandin. Roj bi roj z\u00eadetir j\u00ee diniv\u00eesin. Bila biniv\u00eesin, div\u00ea biniv\u00eesin! Gelek agah\u00ee \u00fb zanyar\u00eey\u00ean me heb\u00fbn l\u00ea ne bi belge \u00fb \u015f\u00eanber b\u00fbn. Me j\u00ee ewqas ti\u015ft nedizan\u00ee. L\u00ea niha em gelek ti\u015ftan ba\u015ftir dizanin. Ev ba\u015f e.<\/p>\n

Heke arkeolog, antrepolog, f\u00eelolog\u00ean me resen kurd derkevin \u00fb d\u00eeroka me ji n\u00fb ve biniv\u00eesin d\u00ea gelek ti\u015ft\u00ean balk\u00ea\u015f derkevin hol\u00ea. Em d\u00ea bi v\u00ee away\u00ee xwe ba\u015ftir binasin.<\/p>\n

B\u00ea guman, div\u00ea pa\u015fguh nebe, y\u00ea ku ji me ra r\u00ea vekir; R\u00eaber Evdellah Ocalan e. Keda R\u00eabert\u00ee \u00fb ya gorbihu\u015ftan, keda bi milyonan kurd div\u00ea ney\u00ea jib\u00eerkirin. Kesek di v\u00ea mijar\u00ea da \u015fa\u015ftiy\u00ea bike, d\u00ea r\u00eaya xwe ya rast j\u00ee winda bike. D\u00ea ji r\u00ea derkeve.<\/p>\n

Ev z\u00eadetir\u00ee 200 sal e, ingil\u00eez, rus \u00fb amer\u00eek\u00ee li ser axa me ne. Heta v\u00ea daw\u00eey\u00ea tim al\u00eekar\u00eeya dagirkeran dikirin. Ev dagirker k\u00ee dibe bila bibe, tim dij\u00ee kurdan cih digirtin. Me xwe kom\u00ee ser hev kir\u00eeye. \u00cad\u00ee ne wek\u00ee ber\u00ea ye. Em li gor\u00ee berjewend\u00eeya gel\u00ea xwe bi van h\u00eazan ra didin \u00fb dist\u00eenin. L\u00ea y\u00ean ku yekser xwe radest\u00ee van h\u00eazan kirine j\u00ee hene.<\/p>\n

D\u00ea \u00e7i bibe? Tev\u00ee zehmet\u00ee \u00fb bedel\u00ean giran, di dahat\u00eey\u00ea da \u00fb di daw\u00eey\u00ea da, em d\u00ea bigih\u00eejin maf\u00ean xwe y\u00ean netew\u00ee, ne y\u00ean takekes\u00ee. Lewra her kes\u00ea ku v\u00ea yek\u00ea dizane, enerj\u00eeyeka z\u00eade xerc dike \u00fb t\u00eadiko\u015fe.<\/p>\n

Bi Gi\u015ft\u00ee Welat \u00fb Milet<\/h1>\n

Peymana Lozan\u00ea em kirin \u00e7ar par\u00e7e. Niha em di her \u00e7ar par\u00e7eyan de t\u00eadiko\u015fin. Em xwe ava dikin \u00fb dewlet\u00ean dagirker j\u00ee ne\u00e7ar\u00ee xwe ji n\u00fb ve avakirin\u00ea dikin. Hekena ser\u00fbbin dibin. Ne\u00e7ar in xwe biguherin. Em penaber\u00ee welatan kirine. L\u00ea bel\u00ea em li her der\u00ea xwe bi r\u00eaxistin \u00fb bi h\u00eaz dikin. Heke hinek ketibin ber bay\u00ea j\u00ee bi gi\u015ft\u00ee ew asteka gel\u00ea me heye.<\/p>\n

Welat\u00ea me bihu\u015fta dinyay\u00ea ye. \u00cad\u00ee ev welat \u00fb bihu\u015ftb\u00fbna w\u00ea d\u00ea nebe sersebeb ku em r\u00fb bi r\u00fby\u00ea komkuj\u00eeyan b\u00ean. Em d\u00ea zeng\u00een\u00ee \u00fb x\u00ear \u00fb ber\u00ea welat\u00ea xwe bikin \u00e7avkan\u00ee ku xwe z\u00eadetir azad \u00fb demokrat\u00eek bikin.<\/p>\n

Ji milek\u00ea ve welat\u00ea me zem\u00een\u00ea d\u00eeplomas\u00ee ye. Ji mil\u00ea din ve j\u00ee welat\u00ea me zem\u00een\u00ea xw\u00ee\u015fk \u00fb birat\u00eeya gelan e. Y\u00ean ku q\u00eemeta v\u00ea gotin\u00ea nizanin hene. Em ser\u00ea xwe bi wan na\u00ea\u015f\u00eenin. Me r\u00eaya xwe girt\u00ee ye \u00fb em dime\u015fin.<\/p>\n

Rew\u015fa Rojane<\/h1>\n

Em her roj, di nava roj\u00ea da, ser xwe bihizirin. Biv\u00ea nev\u00ea div\u00ea ji bo gel \u00fb welat\u00ea xwe ti\u015ftek\u00ee bikin. Li welat yan dervay\u00ee welat, div\u00ea tekez em r\u00eaxistinkir\u00ee bin. Her wiha di nav r\u00eaxistin\u00ean civak\u00ee da cih\u00ea xwe bigirin. Em mej\u00ee, hest \u00fb hizir\u00eena xwe sererast bikin. Li gor\u00ee berjewend\u00eeya gel \u00fb welat tevbigerin.<\/p>\n

Em h\u00eaz \u00fb destek\u00ea bidin h\u00eaz\u00ean parastin\u00ea. Hejmar\u00ea pir \u00fb pir z\u00eade bikin. Em xwe ji kir\u00eat\u00eeya dijberan bipar\u00eazin. Bila guh\u00ean me ji dijminan ra girt\u00ee be. Em telefona di dest\u00ean me da ba\u015f bi kar b\u00eenin. S\u00fbdeka ba\u015f j\u00ea bigirin. Bila Tlf h\u00eaz\u00ea bide me. Ne ku me ber bi piropagandaya dijmin ve bi\u015femit\u00eene.<\/p>\n

Dem ne dema j\u00eeyaneka h\u00easan \u00fb paygiran e. Jixweber j\u00eeyankirin, dev ji xwe berdan, ne kar\u00ea me ye. D\u00ea bi me bide windakirin. Em dilop bi dilop xw\u00eadana en\u00eeya xwe b\u00eenin ser hev. Bi v\u00ee away\u00ee daw\u00ee d\u00ea rew\u015fedar-muhte\u015fem be.<\/p>\n